04‏/07‏/2015

02‏/07‏/2009

أحسن الله عزاكم


بعد خمسة ملايين من فلوسي وفلوس عيالي
ضيعها علينا وزير الداخلية ومجلسنا البصام
استحقاق آخر اتى وهو اقرار الميزانية العامة للدوله
البالغة 12 مليار دينار كويتي
سلقت سلقاً
في ظرف ساعتين
فقط لا غير
ويا قلبي لا تحزن
اتمنى من محاربي الدستور والمتشدقين بحماية المال العام
ان لا يقولون وقوف البراك
ضد ميزانية سلق البيض وقوف شخصاني او وقوف قبلي
------
العزيز بو فهد
من أعلى
يرى الوضع بوضوح

02‏/06‏/2009

صمت ملك التصريحات

-------
قبل فترة طالبت بأسقاط ديون العراق والأن البرلمان العراقي يطالبة الكويت بدفع تعويضات للعراق بسبب سماحنا للقوات الأميركية تحريرهم بعد أن كانوا عبيدا تحت حكم صدام
ولد


هل هي صدفه ؟ أم مدبره ؟

الله اعلم



اتمنى من سماحة السيد((المحترم)) ان يرسل فاكـــس الى السيد أحمدي نجاد رئيس بلاد فارس يطالب فيه تحرير اسير السجون الايرانية ابن الكويت حسين الفضالة وارسال فاكــــس ثاني لرئيس وزراء العراق الشقيق نوري المالكي يقوله بطلوا من هالسوالف وعييييب

01‏/06‏/2009

رسالة من القلب الى العقل


سكوب : قناة الفتنة - امسحها
سكوب : قناة الفساد و الإفساد - اشطبها
سكوب: قناة التفريق بين الكويتيين - ديليت

قال تعالى ((إن الذين يحبون أن تشيع الفاحشة في الذين آمنوا لهم عذاب أليم في الدنيا والآخره والله يعلم وأنتم لا تعلمون))

امسح سكوب

لان همها الوحيد انها تفرق الكويتيين عشان تتحكم فيهم

امسح سكوب

لانها تستانس لما تشوف السني يكره الشيعي والشيعي يكره السني والحضري يكره البدوي والبدوي يكره الحضري
امسح سكوب

لان كل المسجات الي فيها تثير الفتنه والطائفية البغيضة
امسح سكوب

لان ملاكها هم اللي سووا المسلسلات الوصخه اللي خربت عيالنا وبناتنا

بتقول ادري عن هذا كله ,, وانا بس استعبط عليهم واضحك على خبالهم ,,,,,,,,, صح؟؟
طيب .. حلو كلامك

تدري؟؟؟

انك كل مره تحط على قناة سكوب ,, تسويلها دعايه حق كل اللي عندك بالديوانيه ,, وحتى لو انت ما تأثرت بالقناه هم راح يتأثرون وانت تتحمل الذنب
تدري ؟؟؟؟

انك لما تخلي القناة في بيتك ,, عيالك وبناتك وخواتك واخوانك راح يحطون على القناة بغيابك ويتأثرون بافكارهم , ويتربون عيالك على هالفتنة والفساد
تدري؟؟؟؟

انك لما تشوف هوشه في سكوب بين ضيوف او شي غريب ,, راح تروح تسولف بالدوام او في الديوانيه او مع اهلك عن اللي صار في سكوب
وهذا بالضبط اللي تبيه سكوب ,, ان الكل يسولف شنو صار بسكوب ومنو طلع ومنو تكلم,, وكل بسبب دعايتك المجانية لهم
تدري؟؟؟


انك تحط على قناة سكوب عشان تضحك عليهم ,, وبعدين هم راح يضحكون عليك ,, لانهم راح يتحكمون حتى بوزيرك اللي انت تشتغل في وزارته
واذا ما نفذ اوامرهم تكلمو عليه بقناتهم وطبعا كل الكويتيين يطالعون هالقناه,, وطبعا راح يخاف ويلبي طلباتهم ,, ويتحكمون شلة سكوب بالكويت,, اللي انت تضحك عليهم الحين
تدري ؟؟؟

ان قناة سكوب مو هدفها الجيل الحالي ,, هدفها جيل المستقبل اللي راح يكبرون على ايدين هالقناة ويصيرون عبيد عند افكارهم ,, وهذا كله
بسببك وبسبب كل شخص يترك هذي القناة في قائمة القنوات
تدري ؟؟؟

انك مالك حاجه في سكوب وتحطه على سكوب بس عشان ادور شي يطفرك ويستفزك,, وعيالك وبناتك واخوانك راح يصيرون مثلك ,,وتدري انك
مرات تقرا مسجاتهم وتحس ودك ترد بس ماتبي تقط فلوس ,, بس ولدك او اخوك ,, راح يدز ويقط فلوس
تدري؟؟؟

اني لو انا وانت وهي وهم مسحنا القناة ,, راح تسكر بعد كم شهر ,, وكل القنوات ماراح تتجرأ وتنشر الفتنة او حتى تحط مسج واحد في كلمة شيعي او سني او بدوي او حضري
تدري؟؟؟

انك اذا مسحتها لك اجر عند الله ,, لانك منعت احد قنوات السموم والفتنة من بيتك وديوانيتك,, واذا ما مسحتها ,, الله يدري انك قريت هالرسالة وما مسحتها
تدري ؟؟؟

انك ماراح تخسر شي لما تمسحها ,,,بس يتهيأ لك انك بتخسر ,, وجرب ولو شهر
تدري؟؟؟

لو انك نشرت هالرسالة او حطيته في أي منتدى ,, الله راح يثيبك على نيتك في منع الفساد والفتنة عن ديرتك